Normors vart etablert etter at bilde av Mor Teresa på «lit de parade» - med haka bunden opp med bandasje rundt hovudet - prega mediebildet i september 1997. Gründerane, Kåre Roger Rødseth og Emil Arne Kleppe, såg at dette kunne løysast på ein meir estetisk og verdig måte. Dette vart starten på eit lite forretningseventyr i Gursken. I dag omset Normors for store summar og over 90% av salet er eksport av hakestøtter til Europa og Asia.
Normors sin logo og profil vart i si tid levert av Tegneren - og når dei no, i 2025, relanserer hakestøtta med fokus på sirkulær økonomi, ynskte dei ei justering i retning ein varmare og grønare identitet. Vi har derfor gjort små endringar i logoen og designa ny grafisk profil, nettside og emballasje.
Vi takkar for inspirerande samarbeid og kjekt oppdrag - og ynskjer lukke til med relanseringa!
Ny, funksjonell nettside bygd i Squarespace - og komplettert med Weglot for automatisk translering.
Normors sin logofarge er djup skoggrøn. I paletten finn vi også lys lindegrøn og duse, støvete rosatonar som gir fin kontrast mot det grøne.
Normors sin bildestil er varm og naturleg, med kulør som harmonerer med fargepaletten.
Logoikonet kan danne organiske mønster i ulike flater - her på visittkort.
Ny og rein emballasje går fint inn i segmentet helse og gravferd.