Messedesign til HAV Group

Under SMM Hamburg 2024 ønskte HAV Group å samle alle selskapa i konsernet i ein stor stand. Fellesareal og rom for å trekke seg tilbake i møte, teknisk rom/lager og ein bar med minglesone sto på ønskelista vi fekk lagt på designbordet. Vi skisserte planløysing, rom og vegger - og korrigerte etter innspel. Når designen var landa tok Show Off over prosjektet med 3D-modellering og bygging.

Konseptet med fellesstand fungerte fint og trafikken flaut godt gjennom standen.
Sjå innom standen på HAV Group sin LinkedIn-profil her.

Vi takkar HAV Group for oppdraget og Lene Moen Karlsen / HAV Group, Anniken Vorpenes / Twoday og Vegard Hermansen / Show Off for fint samarbeid.

Gode blikkfang i høgda og på bakkenivå sikrar navigering mot standen. Skrå veggflater gir spanande djupter med assosiasjon både til landskap og skrog. Luftig minglesone i framkant av baren gir lett og uformell entre. Foto: HAV Group

Norwegian Electric Systems, Norwegian Greentech, HAV Design og HAV Hydrogen; fire selskap under same himling.
Foto: HAV Group

Reine flater gir ro og plass til gode møte. Fin flyt mellom sonene er viktig for kommunikasjonen mellom vertar og besøkande.
Foto: HAV Group

Baren inviterer til uformelle treff. Opne møte og presentasjonar vert lagt til sona bak baren - og lukka møte vert haldne i dei separate roma i enden av standen. Foto: HAV Group

Standen har eit stort areal med sittegrupper i fargar og materiale som hentar inn natur og gir ei behageleg atmosfære.
Foto: HAV Group

Skisser til fellesstand for selskapa i HAV Group under SMM Hamburg 2024.