Learnify tek læring og utvikling på alvor - og vi fekk hjelpe dei med logo og profil

I vinter kom Hege Marie Mandt og Per Andrew Lier til Tegneren etter tips frå Silje Urke Antonsen i Køyr. Paret var i etableringsfasen med selskapet Learnify, der dei skal hjelpe bedrifter å forstå potensialet og verdien av å bli gode på læring. Og behovet er der; i ei ny verd med nye kompetanse­behov seier 80% av bedrifter at dei har eit kompetansegap eller ventar å ha det innan få år.

Vår oppgåve inn i dette vart å fange essensen av Learnify og gi selskapet ei visuell retning i form av logo og grafisk profil.

Vi takkar for tilliten og oppdraget og ynskjer lukke til med det vidare arbeidet.
Her kan du besøke Learnify på nett.

Logoen til Learnify er løyst typografisk og er rein og enkel i forma. Bokstavane e og a er sett i loop og minner oss på at læring er ein evig prosess av forsking og utvikling. ea-forma luggar litt, gir fin stoppeffekt og hjelper oss å hugse logoen. Repeterande former i bokstavane elles gir rytme og flyt. Slik gjenbruk seier også noko om berekraft og utnytting av ressursar. Uttrykket er stramt - men runde former tilfører leikenheit og varme.

Fargepaletten er energisk og vibrerande med fine kontrastar i kulør og temperatur. Graderingar mellom ulike profilfargar gir ytterlegare moglegheiter og fleksibilitet.