Etter 17 år i Klevenkonsernet står Myklebust Verft igjen på eigne bein - og vi var så heldige at vi fekk vere med og forme den nye visuelle identiteten! Med ei viss ærefrykt har vi gitt 103-åringen nytt andlet og ein framtidsretta grafisk profil. Solide verdisett og kvalitetar er forankra i det nye.
Logoen har fått eit sterkt ikon med enkelt og moderne uttrykk og rom for fleire tolkingar. I tillegg til M og V kan du sjå:
• Straumvirvlar i vatnet etter eit farty (vitnar om framfart)
• At VI er sterkare og lyftar meir og høgare enn ein og ein åleine
• Victory-teiknet som symboliserer siger - eller like gjerne fred
• Ugla som har ry på seg for å vere klok og full av kunnskap og visdom
Vi takkar for eit spanande oppdrag, og ynskjer Myklebust Verft lukke til på eigne bein!
Vi har utvikla interiørkonsept saman med Uloba Independent Living Norge. Uloba er ein organisasjon som legg til rette for Borgarstyrt Personleg Assistanse (BPA) – som eit frigjeringsverkty for funksjonshemma med assistansebehov. Dei arbeider for full likestilling, deltaking i samfunnet og livsutfalding for funksjonshemma. Målet er funksjonshemma som likeverdige og verdiskapande samfunnsborgarar.
Uloba er i ferd med å vekse ut av lokala sine i Drammen, og Tegneren AS har saman med ei referansegruppe i Uloba utvikla interiørkonsept for Tollbugata 114. Fokus er betre utnytting av eksisterande volum, samt skape trivsle og gode kår for dei ulike funksjonane som dei framtidige teama skal ha. Ikkje det tradisjonelle generiske landskapet, men soner som stimulerer, soner som roar ned, soner for team arbeid. Auke i talet på arbeidsplassar stiller også andre krav til eit større kjøkken – og fleksible løysingar der møterom kan inngå som del av kantina – ved behov som allmøter, events osb. Universell utforming er ei sjølvfølge for Uloba – og burde vere det på tvers av bransjar – og i samfunnet generelt. Dessverre er det ikkje slik, og det er nettopp difor at Uloba sitt arbeid er så viktig.
Prosjektet har ein utradisjonell materialbruk med mellom anna romdelarar og lyselement (foto) i ullfilt frå aktørar som BuzziSpace. Alt med tanke på funksjon, sonedeling, støydemping og trivsel.
Konsepta vart nyleg presentert for leiing og tillitsvalde med god respons, og byggeprosjektet blir no ein realitet. Vi takkar for oppdraget, og gler oss til å vere med å ferdigstille roma!
Nyleg oppgradert vi den grafisk profil til Ventiq - og supplerte med fleksibelt, tekstilbasert messesystem. Ventiq vert å treffe under SMM i Hamburg 4. - 7. september.
Ventiq AS utviklar og leverer unike ventilar for trykkontroll og branntrygging om bord på tankskip og offshorefarty.
Du kan lese meir om Ventiq her.
Vi takkar for kjekt oppdrag og ynskjer lukke til på messa!
Sjansen er stor for at du har drukke vatn frå ei av dei mange kranene deira – spreidde rundt i kontorbygg i Noreg, Sverige, Danmark og Storbritania. The Pure Water Company lanserer i desse dagar flaskevatn for restaurantar i utvalde marknader.
Vi takkar for oppdraget med emballasjedesign og produktfoto og ynskjer lukke til!
Vi har fått designe logo og grafisk profil for Dr Choice. Selskapet produserer og sel kosttilskot. Uttrykket i profilen er reint, ryddig og tillitvekkande, og stør opp under Dr Choice sin intensjon om å vere ein trygg aktør i ein utfordra marknad.
Ikonet er bygd av D og C og gir assosiasjonar til DNA. Ein kan sjå ein fisk, ein spire, eit blad eller ein drope. Ikonet syner også at noko vert knytt saman, er del av ei lekkje - eller ei omfamning.
Tegneren har levert
Logo / Grafisk profil
I vinter har vi knipsa bilde av NX Premium til livsstil-seksjonen i den norske takboks-produsenten Packline sin produktkatalog for 2018.
Katalogen er no i trykken, og vi har fått lov til å dele ein smakebit. NX Premium er produsenten sitt nyaste produkt, og vi kan bekrefte at den låge profilen drog mange blikk ved løypene.
Vi takkar for oppdraget, og gler oss til vinteren!
Søre Sunnmøre IKT (SSIKT) hyra oss til å gi form til den nye digitaliseringsstrategien for samarbeidskommunane i Sjustjerna. I prosjektet ligg også design av ikon for enkel visualisering av bodskapen, arbeid med bilde og typografi- og fargeval.
Tegneren har utvikla grafisk profil til HTS-gruppen.
HTS Hans Torgersen & Sønn AS har sine røter i tradisjonelt handverk, meir presist sadelmakeri. Sidan oppstarten på midten av 1800-talet, har fire generasjonar Torgersen drive selskapet.
HTS er leiande i Skandinavia innan forsking og utvikling på feltet vern av ufødde barn og barn i bil og på sykkel. HTS fører blant anna bilsete, sykkelsete og -hjelmar, takbokser og elektriske køyrety.
Tegneren har levert
Grafisk profil / Nettsidedesign / PowerPoint-mal
Tegneren har designa logo til Ulstein Arena. Inspirasjonen er henta frå arkitekturen og aktiviteten som skal ligge i Ulsteinvik si nye «storstove».
• Baner, stupebrett og takkonstruksjon i symjehallen
• Tribunar og takbjelkar i idrettshallen
• Perspektiv opp klatreveggen
• Bøker og hyller i biblioteket
• Svart og monumentalt eksteriør
• Røyrsle, energi og dominoeffekt
• Fire arenaer
Takk for kjekt oppdrag!
Kleven har gjennom mange tiår vore eit sterkt merkenamn innan skipsindustrien, både innanfor nybygg og service. Kleven er eit familieeigd selskap, med djupe røter i lokalsamfunnet vårt. Selskapa i konsernet har ei historie som strekkjer seg over hundre år tilbake i tid: aktiviteten ved det som i dag er Myklebust Verft tok til i 1915, og ved Kleven Verft i 1944.
Tegneren har levert
Logo / Grafisk profil / Trykksaker / Messestandar / Jubileumsdesign / Bok / Responsive nettsider
Vi fekk æra av å forme jubileumsgåva som Ulstein kommune ga til 100-åringen Ulstein Verft.
Fint samspel mellom kommunen, Tegneren, gullsmed Arild Waage og Glass & Rammesenteret.
Takk for oppdraget!
Tegneren har utvikla emballasjekonsept for bbhugme Baby Pod™ og bbhugme Ammepute™. bbhugme™ skaper praktiske og funksjonelle produkt for gravide og ammande. Du finn dei her >
I Briksdalen har dei så mykje natur at dei gjerne vil dele den med deg. Det er Briksdalsbreen som gir det mektigaste inntrykket. Breen er ein arm av Jostedalsbreen, den største isbreen på det europeiske fastlandet.
På Briksdalsbre Fjellstove finn du kvile og mat og du har utsikt til eventyrlege fjell og fossefall.
Tegneren har levert
Logo / Grafisk profil / Trykksaker / Responsive nettside / Digital annonsering / Gåveartiklar / Skilt
Saman med Berge Myrene og Hansgarden Media har vi levert ny film til Briksdalsbre Fjellstove og Oldedalen Skysslag.
Briksdal - a scenic wonderland that must be shared
I over 50 år har Plany levert skreddarsydde presenningar til marin - og maritim sektor. Største marknadane er havbruk, skip og verftsindustrien. Nærleik til kundar og fagmiljø og førstehands kunnskap om næringane er Plany sine største konkurransefortrinn.
Tegneren har levert
Logo / Grafisk profil / Trykksaker / Messestand / Profileringsartiklar / Nettsider
Vi har hatt glede av å utforme nye Ulstein Næringslag sin logo!
Logoen skal femne vidt - han skal fronte næringskonferansar, ulike festivalar, internasjonalt leiande verksemder, den lokale kjøpmannen, reiselivsnæringa og kulturlivet i kommunen. Derfor er det viktig med eit sterkt og enkelt ikon. Med utganspunkt i heraldisk geometri og kontrast har vi gitt ikonet eit universelt og tidlaust preg.
Matportalen Bazeat er no lansert. Her kan du kjøpe og selje god, heimelaga mat av ulikt slag.
Gründerane i Bazeat ynskjer å skape ein arena der alle som har eit kjøken og ein kokk i magen kan vere med, bruke ressursane sine og tene pengar på det. Vi ynskjer ei spanande bedrift lukke til med eit stort prosjekt - og gler oss til å smake!
Tegneren har levert
Logo / Grafisk profil
Tegneren har designa logo, grafisk profil og overflate på nettside for Ewave Solutions i Sandefjord. Vi har også hjelpt selskapet med produktfotografering, retusjering, foldar og PowerPoint.
Tegneren har levert
Logo / Profil / Nettsidedesign / Produktfoto / Foldar / PowerPoint
Tegneren har designa jubileumslogo til Blåfelden Rett Opp. Det er tiande året på rad at Syvde IL arrangerer dette motbakkeløpet. Løypa er 4380 meter lang og 820 meter høg, og går frå Syvde til toppen av Blåfelden.
Meld deg på løpet her >
Vi heiar på deg!
Takk for oppdraget - og takk til Arbiro som spela oss inn.
Vi har hatt gleda av å setje opp nettside for TANGO Seaweed AS. Selskapet har base i Herøy og produserer tang etter naturen sine prinsipp - og leverer produkt som er sunne for menneske, så vel som for miljøet.
Nettsida er bygd i Squarespace og kan redigerast etter intuitiv drag-and-drop-metode. Med Squarespace kan ein også enkelt poste innlegg og sjekke statistikken frå mobilen - og sidene har støtte for SSL-sertifikat (https:) inkludert, noko som gir sikrare surfing.
Dei spanande bilda på sida er det Annelise Chapman i TANGO Seaweed som står for. Besøk sida her.
Marina Solutions prosjekterer og leverer marina-anlegg tilpassa ulike geografiske og topografiske forhold langs norskekysten.
Tegneren har levert
Katalogar / Messeutstyr / 3D-illustrasjonar / Kontortrykksaker
Midt i den maritime klynga på Sunnmøre, har Ronny Kristiansen og Elisabeth Tuvnes etablert konsulentselskapet OceanTec. Kristiansen og Tuvnes har lang fartstid frå bransjen - og tilbyr ingeniør- og meklartenester inn mot skipsbyggingsindustrien.
Tegneren har levert
Logo / Grafisk profil / Nettside / Visittkort
Med gode og støttande treningsklede vil SportyLiving motivere til aktivitet og legge til rette for ei best mogleg treningsoppleving. Nyleg lanserte dei nettbutikken sin sportyliving.no - vi gratulerer og ynskjer lukke til!
Tegneren har levert
Logo / Grafisk profil
I Ulsteinvik finn du klinikken til Ann Charlotte Franke. Her jobbar ho med akupunktur og homeopati - og tilbyr allergitesting og gir ernæringsråd. I praksisen er det fokus på samspelet mellom det fysiske, emosjonelle og psykiske.
Tegneren har levert
Logo / Trykksaker / Vindusdekor og skilt / Nettdesign
Snart får du kortreist gardsøl frå Aabrekk Gard!
Bryggja på brakje og brusande brevatn.
Lys og leskande; alt av finaste kvalitet.
Tegneren har levert
Merkenamn / Varenamn / Logo / Etikett
Jubileumsboka til Klevenkonsernet kom ut i høve 100-årsmarkeringa i 2015.
Torill Myren har skrive boka, Olav Thokle har fotografert og Therese Myrene Aurvåg hjå Tegneren har stått for design, layout og originalproduksjon. Frå Kleven var Inge-Jonny Hide, Per Øvrelid og Ellen Kvalsund også med i boknemnda.
"Protecting people and values" er slagordet til Libra-Plast AS, verdsleiande produsent av dører, luker og ulike typer oppbevaringsskap om bord i skip og offshoreinstallasjonar.
Bedrifta ligg på Hareid og vart etablert i 1954. I dag finn du Libra i alle dei viktigaste sjøfartsnasjonane over heile verda.
Tegneren har levert
Grafisk profil / Produktkatalog / Responsive nettside
Med 30 års erfaring og gode referansar, utviklar Skiltprodukter i Ulsteinvik bedrifta vidare og utvidar kunde- og produktspekteret.
Tegneren har levert
Logo / Grafisk profil / Nettsider / Visittkort / Streamer
QTSupport i Ulsteinvik har fått ny logo, grafisk profil og nettside.
QTSupport bidreg til auka verdiskaping gjennom rådgjeving innan kvalitet, miljø og HMS. Ein brei kundemasse, som femner både offentleg og privat næring, har gitt QTSupport solid erfaring og kompetanse.
Tegneren har levert
Logo / Grafisk profil / Visittkort / Nettside
Island Offshore tibyr kvalitetsløysingar for offshore- og oljeindustrien med ein avansert flåte av serviceskip og subsea-serviceskip.
Sidan 2004 har Island Offshore i partnerskap med FMC og Aker Solutions blitt leiande innan "Light Well Intervention services" globalt, og leverer tenester til mellom anna Statoil, BP og Shell.
Tegneren har levert
Grafisk profil / Dokumentmalar / PowerPoint
Torsdag 9. juni 2016 opna Folk Spiseri i Ulsteinvik. Vi tippar at spiseriet vil vere med på å setje bygdebyen vår på matkartet.
Lukke til - og bon appétit!
Tegneren har levert
Skilt / Menyar / Visittkort / Stempel
«Betongen» har ei over 60 år lang historie, som fortel om framtidstru og vilje til hardt arbeid. Moldskred Knuseverk var starten for det konsernet vi kjenner i dag; Ulstein Betongindustri AS med dei seks «døtrene» Ulstein Betong, Ulstein Betong Marine, Ulstein Betong Utbygging, Ulstein Entreprenør, Ulstein Knuseverk og Ulstein Kran & Transport.
«Solid vare» er slagordet for bedriftene, noko Moldskringane er, og har vore kjende for i alle år heilt sidan starten i 1955.
Det er ei glede å få arbeide for den kjekke gjengen på Betongen. Ny profil og nettside er levert, i tillegg til trykksaker, skilt og anna som høyrer med for ei moderne bedrift som framleis «leverer varene».
Tegneren har levert
Logo / Grafisk profil / Trykksaker / Skilt / Nettside
I utkanten av landsbyen Larsnes ligg Grønholmen. Her kjem ny hyttegrend med god båthamn og naust eit steinkast unna.
Med panoramautsikt til hav og fjell er Grønholmen eit ypparleg utgangspunkt for bading, padling og fisking eller lette fjellturar med blåbærspann i hand. Her kan du nyte sola frå ho står opp om morgonen til ho går i havet seint på kveld.
Tegneren har levert
Logo & Profil / Annonse / Prospekt / Landingsside
Maritim foreining for søre Sunnmøre (MAFOSS) er interesseforeininga for skipsindustrien på ytre søre Sunnmøre. Medlemsbedriftene i MAFOSS utgjer ei verdsleiande, høgteknologisk maritim klynge med stor innovasjonsevne.
Tegneren har levert
Logo / Grafisk profil / Visittkort / Brosjyre / Responsive nettsider / Skilt / Roll-upar
I 2015 opna Ulsteinhallen. Friidretten i Ulstein kommune har fått ny arena å boltre seg på. Med seks løpebaner og moderne fasilitetar ligg det til rette for turneringar også på nasjonalt nivå.
Tegneren har levert
Logo / Grafisk profil
Ulstein kyrkje er ei langstrekt åttekantkyrkje frå 1849. Kyrkja er ein del av Den norske kirke og høyrer til søre Sunnmøre prosti i Møre bispedøme.
Tegneren har levert
Logo / Grafisk profil / Foldarmal / Messetelt
Tegneren har levert responsive nettside til Oldedalen Skyss.
I over hundre år frakta Oldedalen Skysslag turistar med hest og vogn opp vakre Briksdal til den majestetiske Briksdalsbreen. I dag går transporten med moderne Trollbilar.
Bli med på ein av dei vakraste bilturane i Noreg - bestill din tur her.
Tegneren har levert
Logo / Brosjyre / Responsive nettsider
I 2015 var det hundre år sidan Oskar Myklebust starta opp smia i Myklebustosen. I høve jubileet inviterte Kleven til fest og feiring på Kulturdokka ved Myklebust verft, med grillmat, kaffi og kaker, aktivitetstelt for borna, lokale kor, korps, band og solistar. Klevenbandet og Ingebjørg Bratland avslutta festen på fortreffeleg vis.
Tegneren har levert
Jubileumslogo / Jubileumsprofil / Annonsar / Plakatar / Billettar / Roll-up / Scenebanner / Profileringsartiklar / Jubileumsbok
Aabrekk Gard ligg øvst i vakre Oldedalen. Omkransa av frodiggrøne fjellsider, blå-kvite brear og ville fossar kan du overnatte i sjarmerande hus frå gamal tid. Frå garden kjem eit rikt utval av norsk tradisjonsmat - alt marknadsført under namnet Lykle.
Tegneren har levert
Logoar / Merkevarenamn / Grafisk profil / Foldar / Nettside / Plakatar / Emballasje
Oppussinga av Landsbyhuset Breidablik er i full gang.
Ny logo, nettside og fb-profil er alt ferdige.
Takk for triveleg oppdrag!
Du finn Breidablik på facebook her >
Tegneren har levert
Logo / Nettside
Bjørnen OS opererer innan bygg, eigedom og utvikling. Dei set opp 2- og 3-mannsboligar og har hytte- og boligtomter for sal på Halhjem i Os kommune.
Tegneren har levert
Logo / Grafisk profil / Kontortrykksaker / Brevmal / Landingsside
Island Drilling vart etablert i 2006 for å bygge og eige nedsenkbare spesialriggar, designa for komplisert brønnintervensjon.
Tegneren har levert
Logo / Grafisk profil / Trykksaker / Dokumentmalar / PowerPoint
Besøk Pen og Ragnar Thorseth Heime.
På Torsethøgda i Tjørvåg har eventyraren Ragnar Thorseth og kona Pen skapt ein makelaus møtestad. Her får du høyre om ekspedisjonane og eventyra som Ragnar Thorseth er kjend for, og nyte gode smakar frå Pen sitt kjøken.
Alt dette kan du sjå meir om i brosjyren og på nettsida vi har fått lage.
Vi takkar for trivelege oppdrag og ynskjer lukke til med unike opplevingar på Torsethøgda!
Tegneren har levert
Brosjyre / Meny / Nettside
Urke Maskinservice i Ulsteinvik har lang erfaring med graving, drenering, grunnarbeid og natursteinsmuring. Med moderne anleggspark og hyggelege medarbeidarar er selskapet godt rusta for nye oppdrag.
Tegneren har levert
Responsive nettside
Herøy Kystmuseum har fått informasjonstavler som fortel om den spanande historia til sagaøya Herøy - frå Olav den heilage heldt ting her i 1027 og fram til i dag.
Prosjektet har vore eit lagarbeid med mange dyktige aktørar involverte. Vi takkar Herøy Kystmuseum, Herøy Kyrkje, Herøy Kommune, Møre og Romsdal Fylkeskommune, Gunnar Flusund og Arkeoplan for godt samarbeid.
Tegneren har levert
Skiltdesign
Bakverk finn du i Bakargarden i Ulsteinvik. Her kreerer Synnøve Ringstad velduftande heimbakst. Du kan bestille alt frå kringler og lefser, til kunstferdige marsipan- og kransekaker. Om du følgjer Bakverk på Facebook får du informasjon om opningstider og bestillingsfristar før høgtidene.
Tegneren har levert
Logo
Øverås Turistservice ligg ved Romsdalsfjorden på Nerås i Vestnes - eit fint utgangspunkt for turar på fjorden og fjellet. Via Øverås Turistservice kan du leige høgstandard hus - og båtar til fisketuren.
Tegneren har levert
Logo / Grafisk profil
Kieffer er eit kreativt og uavhengig konsulentselskap med fokus på innovasjon og produktutvikling retta mot skipsindustrien, offshore, vasskraft og subsea. Bedrifta er lokalisert i Ulsteinvik, midt i den maritime klynga på Sunnmøre.
Tegneren har levert
Logo / Grafisk profil
I sentrum av Ulsteinvik ligg Bakargarden. Bakargarden kan leigast til private selskap eller firmafestar. Under festivalar fungerer Bakargarden også som popup-kafe.
Tegneren har levert
Logo / Grafisk profil / Trykksaker / Forkle
Oktober Arkitektur finn du i Vanylvssmia Kontorfellesskap på Eidså. Her leverer dei teikningar og utrekningar til byggesaker for einebustadar, tomannsbustadar, rekkehus og mindre næringsbygg. Tenestene spenner frå idéskisser og planlegging, til detaljprosjektering og ferdig bygg.
Tegneren har levert
Logo / Trykksaker
Med eit godt lunsjtilbod, nydelege kaker og stort utval innan spesialkaffi er Kaffebaren eit naturleg møtepunkt i Ulsteinvik sentrum. På kveldstid vert det servert live-musikk med trubadurar og band - eller dei byd på dansemusikk med DJ.
Tegneren har levert
Logo / Grafisk profil / Menyar
SeaState 7 er eit uavhengig ingeniørfirma som leverer avanserte produkt og systemløysingar til krevjande kundar innan subsea, offshore og energimarknaden.
Tegneren har levert
Logo / Grafisk profil / Trykksaker / Responsive nettsider
Kirkedata på Hareid utviklar og driftar datasystem for dei ulike fellesråda i Noreg. Alle fellesråda på Sunnmøre nyttar seg av tenestene til Kirkedata.
Tegneren har levert
Logo / Grafisk profil / Skilt og vindusdekor / Roll-upar / Trykksaker
Brigu byr på opplevingar knytt til gardsdrift og kystkultur. På garden på Voksa møter du Britt og Gudmund, hestane, kyrne, grisane og hunden Nurket. På menyen står tradisjonell kystmat; spekemat, tørka sild, honning, blåskjel, kamskjel, heimlaga is, vafler og kaffi.
Tegneren har levert
Logo / Enkel grafisk profil / Stempel
Hjerteromet, butikk med rom for meir enn hjerter. Butikken er no historie.
Tegneren har levert
Logo / Grafisk profil / Visittkort
Akka Tekst har spesialisert seg på nynorsk marknadsføringstekst, og leverer til alle flater; trykte så vel som digitale.
Tegneren har levert
Logo / Grafisk profil / Annonse / Trykksaker
Rørleggar med mange jern i elden; sanitær, varme, sprinklaranlegg, hydraulikkrørlegging og rørsveising, kamera-inspeksjon av rør og kanalar. Pers VVS leverer også varmepumper; luft-vatn, luft-luft og væske-vatn.
Tegneren har levert
Logo / Grafisk profil / Bildekor
Arkoreiser arrangerer eksotiske reiser til Nepal og Kenya - turar der enkle gleder, nære møte og mangfaldige inntrykk står i kø.
Tegneren har levert
Logo / Grafisk profil
Mentik tilbyr coaching, workshops, kurs og foredrag retta mot organisasjonar, bedrifter, leiarar og enkeltpersonar som ynskjer endring og utvikling. Mentik har kontortid i Ulsteinvik og på Skodje. På nett finn du dei her.
Tegneren har levert
Logo / Grafisk profil / Visittkort
Smak av Ulstein kjem kvart år i juni - med sydlandsk stemning, marknadsboder, revyar, konsertar og utstillingar. Det er kulturkontoret ved Ulstein kommune som står bak arrangementet.
Tegneren har levert
Logo / Grafisk profil / Annonsar / Ballongar og buttons / Roll-up
Langt i vest - der baug bryt båre - ligg Ulstein kommune vakkert til med Atlanterhavet rett utanfor og Sunnmørsalpane like innanfor.
Kommunen har om lag 8500 innbyggarar fordelt på fire skulekrinsar, og fekk i 2012 «Statens pris for attraktiv stad».
Med Kleven, Ulstein Group og Island Offshore som hjørnesteinsbedrifter er det den maritime industrien som dominerer næringslivet her.
Tegneren har levert
Grafisk profil / Logoar / Kontortrykksaker / Plakatar / Kart / Brosjyrer / Årsrapportar / Bøker / Roll-up / Skilt
Sjøborg kulturhus og kino er samlokalisert med Quality Hotel Ulstein. Kultursalen tek opptil 518 gjester - kinosalen har plass til 119.
Tegneren har levert
Logo / Grafisk profil / Annonsar / Skilt / Roll-up
Vi gratulerer! - og gler oss med Sande som stakk av med sigeren i Nitimen si jakt på det beste kommuneslagordet i landet!
Det er Tegneren som har utvikla slagordet - heldigvis...
